→ كل الوصفات

شوربة البصل مع قطع الفراخ

شوربة بصل عموما تعتبر وصفة فرنسيه وليها اكتر من طريقه في بالكريمه وفي اللي بدقيق زي بتاعتي وفي اللي من غير كل ده وطبعا بتزين بالخبز المحمص بس انا محطتهوش لأن مكنش عندي ⁦ ف زينتها بالبقدونس المفروم ان شاء الله هتعجبكم #وصفات_بالبصل #عمايل_ايديا #الشيف_الذهبي #سفرة_دايمة

  • شرائح بصلة كبيرة مقطعه
  • 2 كوب مرق دجاج
  • 2 م ك دقيق
  • ملح حسب الرغبه
  • مكعب صغير زبدة
  • معلقه زيت قليلة
  • قطع او مكعبات فراخ مسلوقه الكمية حسب الرغبه
  • خبز محمص
  1. نجيب حلة ونحط الزبده مع شويه زيت
  2. بعدين هنحط البصل ونقلب لحد مايدبل شويه وبعدين نحط الملح والمرقه ومعلقتين دقيق ونخلطهم كويس
  3. واول لما تغلي هنقفل عليها ونسيبها تهدى شويه ونضرب شوربة ف الخلاط كويس
  4. وبعدين نرفعها ع نار تاني ف الحلة ونحط معاها قطع الفراخ مسلوقة ونسيبها تطبخ معاها واول لما تغلي نقفل عليها ونزينها بالخبز المحمص وبألف هنا⁦♥️⁩
  5. ف ناس بتحط ع خبز المحمص جبنه موزاريلا وتحمصهم ف الفرن وبعدين تحطها ع شوربة
عجبتك الوصفة؟
شوف كل وصفاتنا في مكان واحد
كل الوصفات →