→ كل الوصفات
الى كنتو كثر من 2 اشخاص نتمنى ضاعفو المقادير
المقادير
- الشوربة
- 2 حبات بطاطس متوسطين
- 2 حبات جزر متوسطين
- كاس ماء
- كاس حليب
- قطعتين من الجبن المثلث
- ملح وفلفل اسود حسب الرغبة
- بصلة صغيرة
- زبدة او زيت
- البسطيلات
- ورقة الفيلو
- رابعة طريفات صدر الدجاج
- شعرية صينية
- حبة بصل كبيرة
- حبة فلفل متوسطة
- حامض مصير
- حامض طري
- فصوص ثوم
- ملعقة صغيرة فلفل احمر
- رشة سكنجبير
- رشة خرقوم
- ملح وفلفل حسب الرغبة
- كمون
- قسبور ومعدنوس
- زيتون اخضر دوائر
طريقة التحضير
- الشوربة : نشدو بصلة نقطعوها طريفات صغار ونشحروها فالزبدة ونزيدوها البطاطس والجزر نقطعوهم ونوضعوهم فطنجرة الضغط نزيدوهم الحليب والماء وابزار وملح نسدو الطنجرة نديروها فوق النار تبدى تصفر نقصو عليها ونخلوها مدة ربع ساعة ونطفو نفتحو الطنجرة ونزيدوها الفرماج ونميكسيوهم بالميكسور وها الشوربة واجدة
- البسطيلات : كنشدو بصلة نقطعوها مربعات الفلفلة نفس الشيء نديروهم فشي طنجرة نديرو الزيت العطرية لي دكرنا قبل لب حامض مصير طريفات صدر الدجاج ثوم طري او بدرة نشحرهم مزيان حتى يطيبو بدون اضافة ماء نشدو الشعرية نقعوها فماء طايب باش ترطاب ملي توجد الحشوة نزيدوها الشعرية الصينية لي رطابت وصفينها من الماء وقطعناها طريفات صغار نزيدو الزيتون ونعصرو الحامض الكمية على حساب الرغبة
- نشدو الورقة نقسموها على جوج ندهنوها بالزبدة ونطوها من النص ونحطوها فشي طبسيل دائري مجموع من الجناب ونحطو الحشوة ونسدو الورقة ونحطوهم فطاوة الفرن ونبقاو على نفس المنوال حتى نسالو الحشوة نسخنو الفران مزيان ونقصوه على درجة حرارة 180 النار من التحت ونخلوها الطيب والتحمر على خاطرها ملي الطيب نخرجوها من الفران ونزوقوها باش ما بغينا ونقدموها مع الشوربة وبالصحة والراحة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد