→ كل الوصفات
دي شوربة شوفان بالخضار بطريقة سهلة وبسيطة ومكونات صحية وهتعجبكم جدا باذن الله ❤️
المقادير
- بصلة متوسطة مفرومة
- ربع حبة فلفل ألوان من كل لون مكعبات
- 2 فص توم
- 2 صدر دجاج مقطع مكعبات
- 1/2 م ص بهارات فراخ
- 1/2 مكعب ماجي
- رشة بصل بودر
- ملح حسب الرغبه
- خضار مشكلة: الكمية حسب الرغبه
- بسلة
- فاصوليا
- كوسة
- بطاطس
- م ك حليب بودر
- 3 م ك شوفان
طريقة التحضير
- ف حلة ع نار شوحت بصل مع فلفل الالوان وضيفت التوم والفراخ وبهارات فراخ وقلبتهم
- بعدين احط مكعب ماجي وبصل بودر وملح واقلبهم كويس
- وبعدين احط الخضار مشكل وخليتهم كلهم يختلطوا علشان يكسبو من الطعم بعدين نزلت بماء يغطيهم علشان يتسلقوا مع بعض
- مجرد ماالفراخ تتسلق هشيلها ع جنب واسيب الخضار بعد مايتسلق اقفل عليه واسيبه يهدى بعدين اضربه ف الخلاط او بال hand blender مع حليب بودرة و الشوفان كويس اوي
- وارجعه للحله تاني واحط الفراخ واخلطهم ببعض ومجرد ما يغلي اقفل عليه واقدمه وبألف هنا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد