→ كل الوصفات

شوربة الخضار باللحم ولسان العصفور

زهقانه ما الأكل عاوزة تعملي لهم حاجه خفيفه وفي نفس الوقت مغذيه وسريعه..يبقى الأكله دي علشانك

  • كوب جزر مقطع صغير
  • كوب كوسه مقطع صغير
  • كوب بطاطس مقطع صغير
  • كوب فاصوليا خضراء مقطع صغير
  • كوب بسله (بازيلا) متفصصه فريش أو مفرزة
  • بصلة صغيرة مبشورة
  • مكعب واحد لحم مقطع صغير
  • معلقة زيت مع سمن
  • ملح وفلفل اسود ومكعب مرقه
  • معلقتين كبار لسان العصفور
  1. في حله على النار يوضع الزيت مع السمن ننزل بلسان العصفور يتحمر كويس وبعدين نقلبه في بوله صغيرة ونتركه جانبا ثم في نفس الحله ننزل بالبصله تتشوح كويس وبعدين ننزل عليها باللحمه المقطعه تتشوح كمان
  2. بعد كده ننزل عليه بالخضار المقطع صغير كله معا ونقلب ونضيف لسان العصفور المتحمر اللي كنا تركناه جانبا نقلب جميع المكونات ونضيف الملح والفلفل ومكعب المرقه
  3. نكون مجهزين ماء مغلي ننزل به على الخضار والخليط بتاعنا الجميل ونقلب ونسيبه يستوي مش بياخد وقت
  4. يستوي ونطفي النار ويتقدم أحلي طبق شوربة ونعصر عليه ليمون وبألف هنا
  5. دوقي أحلي شوربة يا سلام في المعلقه طعم الخضار مع لسان العصفور مع قطع اللحمة الصغننه جميل ومختلف
عجبتك الوصفة؟
شوف كل وصفاتنا في مكان واحد
كل الوصفات →