→ كل الوصفات
#الشيف_الذهبي بما اننا في جو صعب بسبب الكرونا لازم نعمل اكل صحي وسمعت دكتور بيقول انا احنا الدكاتره بناكل في المستشفي ٤ ايام في الاسبوع شوربة خضار ولازم كلنا نعملها لاطفالنا وللكبار شوربه ياكلوها مرتين على الاقل في الاسبوع ربنا يحمي ولادنا ويحمينا من اي سوء
المقادير
- كيلو كوسه طرنشات تخينه
- 4 حبات بطاطس مكعبات
- كوب بسلة (بازيلا)
- 1/2 كوب جزر
- مكعبات بصله كبيره
- ربطة كرفس مفروم
- 1/2 كوب لسان عصفور محمر
- 2 حبة طماطم مكعبات
- لتر مرقة لحم او اي مرقه
- 1 فلفل رومي
- 1/4 م ص ثوم مفروم
- 5 ورقات ورق لورا
- 5 فصوص حبهان
- 1/2 م ص فلفل اسود
- ملح حسب الرغبه
- 2 م ك سمن
- مكعبات بصله كبيره
- 1/4 م ص فلفل اسود
- كيلو لحمة قطع
- 4 ورقات ورق لورا
- 3 حبوب مستكه
- 4 حبوب حبهان
- ملح حسب الرغبه
طريقة التحضير
- في حلة اضع ملعقتين السمن واشوح البصله دقيقتين وبعدين انزل بالكوسه والبسله والجزر يتشوحو لمده ٣ دقائق وانزل عليهم بالورا والحبهان والفلفل الاسود والملح وانزل عليهم بمرقة اللحمة واحط عليهم الطماطم المكعبات واغطي واسيبهم يستوي
- اول مايدخلو في السوا انزل مكعبات البطاطس والفلفله المكعبات
- واول ماتدخل في السوا البطاطس انزل بالسان العصفور المحمر والكرفس واللحمه
- طريقة سلق اللحمة بشوح اللحمة في حله بمعلقة سمنه وورق اللورا والحبهان والمستكه وبصله مكعبات واول ماتشرب مايتها انزل بالماء وربع ملعقة صغيرة فلفل اسود واغطي واسيبها تستوي
- بجد طبق مشبع بشكل غير عادي ومغذي جداً لو حابين تجربو وصفتي في شوربة الخضار صدقوني هتعجبكم اوي وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد