→ كل الوصفات
شوربة الشعيرية بالفراخ البيضا كانها بطه الفرخة كانت بيضة بس عملتها بطريقة بقيت دسمه اوي و وجه الشوربة كانك عملتى فراخ بلدي او امهات حاجه كده خياااال
المقادير
- 1 فرخة
- كوب شعيرية
- 1 بصلة
- 1 طماطم
- 2 كوب كبار ماء, مغليين
- مكعب مرقة دجاج
- ملح
- فلفل اسمر
- معلقة سمن, لتحمير الشعيرية
طريقة التحضير
- اول حاجه طبعاً نقطع الفراخ على 4 قطع. ونغسل الفراخ كويس. وننقعها في ملح. ورجعنا شطفنها ثاني
- حطينا الفرخة في الحلة وبشرنا عليها الطماطم والبصله والملح والفلفل, زي الصورة كده
- نرفعهاعلى النار وكل شوية نديها تقليبه كده. وبعد كده ننزل عليها ب 2 كوب ماء كبار مغليين مع مرقة الدجاج. ونسيبها على النار تستوي
- نجيب حلة تانيه بقى ونحمر الشعيرية في ملعقة السمنه على النار, لحد مايكون لونها ذهبي. ننزل عليها بالشوربة ونسيبها تغلى غلوة واحدة بس ونقفل عليها
- دة بيمنع تكون نشويات الشعيرية وتبقى لذيذة بالشوربة الكتير عليها لان كده مش بيشرب الشوربة
- نغطيها بقى ونرج الحلة كويس, عشان نقلب الفراخ كويس. زي الصورة التانيه. طبعاً الخطوة دى من غير ماء, احنا هانشوح الفراخ على النار لمدة 5 دقائق
- نطلع الفراخ من الحله, هاتلاقي بعد كده الشوربة دسمه اوي و وجهها محمر كده وطعمها فظيع. الصورة مش موضحة مدى دسامة الشوربة. طبعاما ننسى نظبط ملح الفراخ
- نسيب الغطاء مقفول على حلة الشوربة بالشعيرية حوالي 10 دقائق. هاتلاقي الشعيرية استوت ببخار غلو الشوربة
- يعني ممكن تعملى الشعيرية الاول وتقفلي عليها عقبال ماتخلصي باقي الاكل, تكون استوت بالبخار منها فيها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد