→ كل الوصفات

شوربة الطماطم 🍅 بطريقتي

كنت واقفة محتارة مش عارفة اطبخ ايه النهاردة لقيتني بألف خطوات من دماغي وطلع الطعم خياااال

  • 4 كوب مرق دجاج او لحمة
  • 0.5 كوب صلصة طماطم بيتي
  • بصلة مفرومة
  • زيت
  • م. ك. زبدة
  • 2 م. ك دقيق او اكتر على حسب السماكة اللي تفضليها للشوربة
  • كوب حليب
  • بقدونس مفروم
  1. حطي الصلصة على المرقة تغلي حوالي ١٠ دقايق
  2. في الوقت ده حطي البصل مع الزيت والزبدة على الطاسة وحمريها بسيط وحطي ملح وبهارات عليها ومكعب مرق لو تحبي
  3. وبعدين ضيفي الدقيق وقلبي وبعدين كوب اللبن "زي مابنعمل البشاميل"
  4. هتلاقيها بقت متماسكة حطيها ع المرقة والصلصة عشان تفك وخليها تغلي غلوتين وضيفي البقدونس قبل ماتطفي النار علطول
  5. زينيها برشة بقدونس مفروم او نعناع وبالهنا والشفا
  6. ملحوظة: لو حابة الشوربة تكون صحية ودايت دخليها التلاجة وتاني يوم شيلي وش الدسم اللي اتكون فيها 👌
  7. والفكرة دي قالتلي عليها الأخت Mona للأكلات الدايت
عجبتك الوصفة؟
شوف كل وصفاتنا في مكان واحد
كل الوصفات →