→ كل الوصفات
نهاركم زين حبيباتي اليوم عملت وصفة العدس الأحمر و الكابويا هذا ما ينفع في برد نهار اليوم وهكا اولادي يستفادو من الكابويا بلا مايعرفو انها في الطبق وكملت قدمتها مع عصير منزلي درت فيه برتقال ليمون بيطراف تفاح كابويا وحليتو بملاعق من العسل الطبيعي جا بنته هااااايلة في بالهم انه عصير الفراولة
المقادير
- قطع دجاج
- بصلة مقطعة
- ثوم
- قطع من القرع العسلي (كابويا)
- كوبين من العدس الاحمر
- ملعقة صغيرة ملح +فلفل اسود
- كمون
- كسبر
- كراوية
- عروق دبشة مقطعين
طريقة التحضير
- نحط الدجاج والبصل والثوم مع شوية زيت في طنجرة يتقلاو
- نقطع الكابويا إلى مربعات صغيرة ونضيفها تتقلى
- نزيد الملح والتوابل ونضيف 2حبات طماطم مرحيين ونواصل نقلي ثم نضيف العدس بعد ما نكون شللتو بالماء ونمرق بالماء سخون وتخليه يطيب ثم تقدموه مع رشة دبشة وقطرات من زيت الزيتون وبالصحة و الهناء
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد