→ كل الوصفات

شوربة العدس الأصفر 😋💓

مفيش أحلى من شوربة العدس في الشتا بتدفي وبتدي طاقة وطعمها لذيذ جداً ومفيدة جربي شوربة العدس الأصفر هتعجبك جداً 👌😍

  • 1/4 كيلو عدس أصفر
  • 1 بصلة
  • 1 طماطم
  • 2 جزر
  • 4 فصوص من الثوم
  • 1 ملعقة صغيرة ملح
  • 1 ملعقة صغيرة كمون
  • 1 ملعقة صغيرة كركم
  • 1/2 ملعقة صغيرة فلفل اسود
  • 3 كوب ماء
  • 1/4 كوب معكرونة شعيرية
  • 3 ملاعق كبيرة زيت
  • 1 ملعقة كبيرة سمنه أو زبدة
  1. أولا اغسلي العدس كويس جداً وصفيه من الماء وبعد كدة جيبي حلة وحوطي فيها العدس والبصلة قطعيها مكعبات وحوطيها وحوطي الجزر قشرية وقطعية حلقات وحوطية وحوطي فصوص الثوم والطماطم بس قشري الطماطم قبل ما تحوطيها وبعد كدة حوطي الماء وارفعي الحلة على النار وهدى النار على العدس وسيبيه يغلي حبة😍
  2. بعد لما العدس يغلي وتحسي إن الجزر أستوي وكل الخضروات الموجودة في العدس اقفلي النار عليه وبعد كدة حوطية في الخلاط وأخلطية كويس جداً 😍
  3. جيبي حلة مناسبة وحوطي فيها الزيت والزبدة وحوطي المكرونة الشعيرية وحمريها حبة لحد لما يكون لونها ذهبي حلو وبعد كدة حوطي كوب ماء ولما المعكرونه تتشرب كل كمية الماء حوطي العدس على المعكرونه وحوطي بعد كدة الملح والفلفل والكمون والكركم وقلبيهم مع بعض وسيبي العدس يغلي حوالي 10 دقائق وبعد كدة اقفلي النار عليه😍
  4. قدمي العدس بعد كدة في بولات التقديم وقدمي معاه عيش محمص وممكن تعملي مسقعة بالفلفل والباذنجان بالخل والثوم بجانب العدس وسلطة هتكون وجبة غداء حلوه اوي👌 ولو عايزة طريقة المسقعه هتلاقيها في وصفاتي😍. وبالعافية عليكي حبيبتي 😘💓🌹
  5. 😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →