→ كل الوصفات

شوربة العدس الاصفر بالشعيرية

#احنا_المصريين

  • 0.5 كيلو عدس اصفر
  • 4 حبات بصل كبار
  • 3 حبات بطاطس كبار
  • 4 حبات طماطم
  • 5 حبات جزر مبشور
  • 1 حبة زنجبيل صغيرة طازجة "حسب الرغبة"
  • 3 حبات فلفل الوان
  • ماء للسليق
  • كوب شعيرية
  • ملح
  • فلفل أسود
  • كاري
  • كمون
  • بهارات مشكلة
  • معلقة سمنة كبيرة
  1. ننقى العدس وننقعه 10 دقيقة في ماء ونغسله ونصفيه كويس
  2. نقطع الخضار كله مكعبات
  3. نجيب حلة ونحط فيها العدس والخضار كله ونضيف ماء للسليق تغطى المكونات.. على نار هادية لحد ما العدس والخضار يستوي كويس ونقلب من وقت للتانى عشان العدس بيلزق بسهولة
  4. لما المكونات كلها تستوي نهرسها كلها في الصفاية بتاعة المعكرونة ونحط حلة او طبق غويط كبير تحت الصفاية.. "مش بحب اعمله في الخلاط" بس اللي حابب في الخلاط يسيب الخليط بعد ما يستوي يبرد خالص ويضربه في الخلاط. وممكن بالهاند ميكسر وهو في حلته
  5. في طاسة على جمب نسيح السمنة ونحط الشعيرية تتحمر وبعد كدة نحط الشعيرية مع شوربة العدس بعد ما نصفيها ونحط كل التوابل. و على نار هادية عشان العدس ياخذ غلوة و الشعيرية تستوي
  6. لما الشعيرية تستوي نطفى على العدس ونقدمه في اطباق غويطة وبالهنا والشفا 😍🤩
عجبتك الوصفة؟
شوف كل وصفاتنا في مكان واحد
كل الوصفات →