→ كل الوصفات
زاكية كتير بالشتوية و لي بمييز هاي الشوربة انو بنحط فيها قدحة 😋
المقادير
- كوب عدس
- 1/2 كوب رز قصير
- زيت زيتون
- بصلة مفرومة
- ٤ ثوم
- ١ م ص رب البندورة
- ٨-٩ كاسات مرق الخضار او الدجاج
- م ص ملح
- م ص فلفل اسود
- زيت زيتون ، م ص رب بندورة + كركم + كمون + بابريكا + نعنع ناشف
- 4 خبز توست مقطع لمربعات
طريقة التحضير
- بنغسل الزر و العدس و بنصفيهم و بنتركهم على جنب
- بنجيب طنجرة بنحط زيت زيتون و بنضيف البصل و بنحط الملح والفلفل الاسود و بعدين بنضيف الثوم مقطع و بنخليهم دقيقتين سوا
- بنضيف معلقة رب البندوره و بنخلطهم مع بعض شوي
- بنضيف العدس و الرز و بنخليهم يتحمصوا مع بعض دقيقتين
- بنضيف المي لي فيها مرق الخضار او الجاج و بنسكر عالطنجره نص ساعه يستوي
- بعد ما تستوي بنجيب بلندر و بنطحنهم سوا
- بعدين بنبلش نحضر القدحة
- بنحط زيت زيتون و فوقي الكركم والكمون و النعنع الناشف و معجون الطماطم و البابريكا
- بنضيف القدحة عالشوربة و بنحركها شوي
- بعدين اسكبوها و منحمص التوست مع شوي زيت زيتون و بنحط عالوجه ، وصحتين وعافية🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد