→ كل الوصفات

شوربة اللحمة بطعم ولون ولا اروع 👌🏻🥩

#شوربات

  • 1/2 كيلو لحمة قطع وقطعة عظم
  • بصلة كبيرة متقطع اربعة
  • جزرة متقطعة
  • ورق لورا
  • 4 فصوص حبهان
  • 3 فصوص مستكة
  • رشة فلفل اسود مجروش
  • معلقة صغيرة سكر
  • سمنة للتشويح
  • ماء مغلية
  1. هنقطع اللحمة قطع مش تخينة ولا رقيقة تكون وسط وهنغسلها ونسيبها تتصفي. هنجيب حلة ونحط فيها ملعقة سمنة وشوية زيت صغيرين وننزل بالمستكة وبعدين ننزل باللحمة لحد ما لون الحمرا اللي فيها يروح
  2. هننزل عليها بالبصل والجزر والحبهان وورق اللورا وشوية السكر والفلفل المجروش ونقلب كله مع بعض ونكون محضرين ماء مغلية نغطي بيها اللحمة.....وهي بتغلي هتلاقي الريم بتاع اللحمة بيطلع على الوجه تشليه بالمعلقة ولما تقرب تستوي تضبطي الملح بتاعها والف هنا على قلبكم
  3. الطريقة دي سلق وتشويح للحمة في نفس الوقت.بس طعمها خرافة ولونها وقوامها جميل....والعظم بيدي للشوربة طعم جنان
عجبتك الوصفة؟
شوف كل وصفاتنا في مكان واحد
كل الوصفات →