→ كل الوصفات

شوربة جمبري 🦐

شوربة لذيذة جدددا وسهلة وطعمها تحفة #جود_بالموجود

  • 1/2 كيلو جمبري (متقشر او بقشره او عضم الجمبري)
  • بصلة مبشورة ناعم جدددا
  • 3 من ورق البصل الاخضر مقطع
  • 1/2 م ص ثوم مفروم
  • 2 م ك دقيق
  • ماء
  • 2 مكعب ماجي
  • م ص (فلفل اسود ، كاري ، بودرة ثوم علي بصل)
  • 1/2 كوب لبن
  • ملح حسب الاحتياج
  • م ك سمنة
  • م ك كريمة او قشطة
  • ورق بصل اخضر
  1. في حلة اضع سمنة وانزل بالبصل المبشور واوراق البصل الاخضر اشوحهم لحد لما يدبل ويبدأ البصل ياخد لون ذهبي فاتح خالص ،،
  2. بعدين انزل بالثوم والجمبري اشوحة بسرعة لحد لما الجمبري يغير لونه ومتشوحيهوش كتير عشان ميتهريش ،
  3. بعدين انزل بالدقيق واربط بيه الجمبري ، وبعدين الماء والتوابل والماجي واسيبها لحد لما تغلي اضيف اللبن واظبط الملح بتاعي وبس كدة ،
  4. ممكن تشربيها كدة او تصفيها زي ما تحبي وممكن تضيفي عليها اثناء التقديم كريمة او قشطة وبصل اخضر مقطع بتبقي تحفة وطبعا دة اختياري برده ، (انا هنا ضفت قشطة كان طعم الشوربة هادي وناعم كدة تحفة بجد 😋) ،،
  5. قدمتها مع (سمك موسي مقلي) و (صينية سمك فيليه بالبطاطس) وطريقتهم موجودة بالتفصيل في بوستات سابقة و (ارز ابيض) وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →