→ كل الوصفات

شوربة خضار بالشعيرية (اقتصادية)

بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي

  • زيت
  • بصلة مقطعة صغير
  • م ص ثوم مفروم
  • عود نعناع (اختياري)
  • كوسة ، بطاطس ، جزر مكعبات (الكمية براحتك)
  • م ك بهار مشكل
  • م ص فلفل اسود
  • 2 ورق لوري
  • 2 مكعب ماجي
  • 1 طماطم مقطعة مكعبات (اختياري)
  • ملح
  • 2 كوب شعيرية
  • زيت وسمنة
  1. اولا الشوربة : في حلة شوية زيت وانزل البصلة اشوحها شوية مع عود النعناع ، بعدين الثوم ، بعدين الخضار وكل التوابل ، وافضل اشوح في الخضار لحد لما يبدأ يذبل وينزل مايته ،
  2. بعدين اغمره بالماء ، وانزل الطماطم ، واغطي الحلة واسيبها لحد لما الخضار يستوي ،
  3. ثانيا الشعيرية : في طاسة حطيت شوية زيت وم ص سمنة وشوحت الشعيرية لحد لما اخدت لون ذهبي ، ونزلت ليها على الشوربة لحد لما بدأ تستوي شوية ، طفيت النار وغطيت الحلة عشان الشعيرية تكمل باقي السوي بتاعها على سخونية الشوربة واخر حاجة رشيت رشة فلفل وظبطت الملح وبس كدة ،
  4. قدمتها مع صن بايتس وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →