→ كل الوصفات

شوربة خضار

#شوربات_رمضان على طريقتي الخاصة بحب اعملها بمزاج واسلق كل حاجة لوحدها علشان مفيش حاجة تتهري مني وحاجة تطلع نية ويبقي الخضار كله الوحدة بوحدته و سوا واحد ذي ماانتم شايفين

  • 2 جزر
  • 1 كوسة
  • 2 بطاطس
  • 2 حبة خرشوف
  • كوب فاصوليا
  • نص كوب بسلة
  • نص كوب لسان العصفور
  • 200 غرام لحمة
  • عود كرفس
  1. نقطع كل الخضار ونقطع اللحمة قطع صغيرة ونسلقها في مياة بتغلي ونطلع الريم ونضيف البصل والحبهان والمستكة و ورق اللوري وقرب السوا نضيف الملح والفلفل الاسمر
  2. ونسيبها تستوي و حلة تانية ربعها مياة اول ماتغلي نضيف البسلة والجزر و الفاصوليا علشان بياخدوا وقت وقرب السوا نضيف البطاطس والكوسة والخرشوف
  3. ونزود كوب ماء ونغطي الحلة لتمام السوا وفِي حلة تانية نسلق لسان العصفور ولما تستوي نشطفها في مصفي ونضيفها لحلة الخضار اللي استوت
  4. وبعدين نضيف الكرفس المغسول والمتقطع و بعدين اخر حاجة نصب الشوربة باللحمة على الخضار
  5. وتاخد غلوة وتقدم ساخنة بالف هنا وشفا.. #دعاءنصر
  6. جروب / تعليم فن الطبخ خطوة بخطوة و بيدچ/ مطبخ دعاء نصر
عجبتك الوصفة؟
شوف كل وصفاتنا في مكان واحد
كل الوصفات →