→ كل الوصفات

شوربة سي فود (ثمار البحر)

طريقة عمل شوربة سي فود (ثمار البحر) سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كيس مثلج لمكونات السي فود كميته حوالي 400 جرام
  • حبة فلفل اخضر
  • بصلة متوسطة مبشورة ناعم
  • جزرة مبشورة ناعم
  • توابل سمك
  • ملح
  • رشة فلفل اسمر
  • 2 فص ثوم مدقوق
  • 0.5 كوب لبن
  • 0.5 لتر ماء ساخن
  • معلقة كبيرة دقيق
  1. هننقع مكونات السي فود في ماء وليمون وخل لمدة خمس دقائق
  2. في زبدة او زبدة وزيت على النار هنشوح البصل لحد ما يصفر وبعدين ننزل بالفلفل والجزر ونشوحهم وبعدين الثوم نشوح كله وننزل عليهم بمكونات السي فود ياخدوا تشويحه معاهم حبة كويسين ونضيف الملح والفلفل الاسمر وتوابل السمك
  3. بعد ما نشوحهم حبة حلوين هنضيف ليهم الدقيق وبعدين ننزل بالماء الساخن واللبن وممكن نذوب الدقيق الاول في اللبن عشان ميكلكعش
  4. هنسيبهم ياخدوا غلوة واحدة بس على النار ونطفي و دي خطوة مهمة عشان كتر غليان المكونات بتاع السي فود على النار بيخليها تشد متبقاش طرية وحلوة. وبألف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →