→ كل الوصفات

شوربة سي فود

طعم رائع زي المحلات بالظبط 😍

  • 1/2 كيلو مشكل من مكونات السي فود
  • مكعبات جزرة متخرطة
  • حبة طماطم كبيرة متخرطة مكعبات
  • مكعبات بصلة متوسطة متخرطة
  • 2 فص ثوم متخرطين صغير
  • اعواد من الكرفس
  • ورق لورا، فص مستكه
  • ملح حسب الرغبة
  • رشة فلفل اسود
  • رشة سكر
  • 1/2 معلقة صغيرة حبهان باودر
  1. هنجيب القشر والروس بتاعة الجمبري واي عظم من السمك المخلي الموجود في مكونات الشوربة ونحطهم في حلة ومعاهم الجزر و والطماطم والبصل والكرفس والثوم والتوابل وورق اللورا والمستكه وننزل عليهم ماء مغلية ونحطهم على نار عالية واول ما الماء تغلي نهدي النار ونسيبهم ربع ساعة هنأخذ احلى شوربة منهم طعم وريحه
  2. بعد ما تعدي الربع ساعة هنصفي كل الحاجات دي وناخد الشوربة السائلة فقط
  3. في حلة على النار نحط معلقتين زيت ونبدا نشوح الجمبري والسبيط والسمك الفيليه كله يبقى متخرط مكعبات صغير نشوحهم دقيقتين بس وبعدين نضيف لهم الشوربة اللي صفيناها ونظبط الملح بتاعنا وأول ما تغلي هنسيبهم 3 او ٤ دقائق بس مش اكتر عشان السمك ميتهريش ولا يتفتت ونضيف كوب من كريمه الطهي ونديهم تقليبه على النار ونطفي وممكن نخرط عود كرفس صغير جداً ونضيفه قبل ما نطفي بدقيقة بيدي ريحة جميلة وبألف هنا 🌺
عجبتك الوصفة؟
شوف كل وصفاتنا في مكان واحد
كل الوصفات →