→ كل الوصفات

شوربة عدس بالشعيرية (اقتصادية)

بسبب الازمة الاقتصادية العالمية، أطلقت حملتي الجديدة حملة #اطبخها_اقتصادي، واللي هدفها ان شاءالله هو طبخ جميع الوصفات ولكن بطريقة اقتصادية واقتراح بدائل لأحد مكوناتها الغالية الثمن ان وجد، والله ولي التوفيق 🌷🌷 لمعرفة التفاصيل والمشاركة رجاء التواصل معي

  • 2 كوب عدس
  • بصلة
  • 2 من كل (كوسة ، بطاطس ، جزر ، طماطم)
  • م ك ثوم مفروم
  • م ص هريسة شطة
  • م ك من (كمون ، كزبرة)
  • م ص من (فلفل ، قرفة)
  • 2 مكعب ماجي
  • 2 ورق لوري
  • 2 م ك صلصة
  • ملح
  • سمنة
  • 2 كوب شعيرية
  1. اولا الشوربة : في حلة مغمورة بالماء انزل (العدس ، البصل ، كوسة، بطاطس ، جزر ، طماطم، ثوم ، هريسة شطة) والتوابل والماجي ، واغطي الحلة واسيبها تغلي علي النار لحد لما الخضار يستوي ،
  2. بعدين اشيل الورق اللوري واسيب الشوربة تهدي واضربها في الخلاط ، او بالهاند بلندر ، بعدين ارجعها الحلة تاني مع الصلصة واسيبها تغلي وتتقل ،
  3. ثانيا الشعيرية : في طاسة فيها سمنة نزلت بالشعيرية حمرتها لحد لما اخدت لون ذهبي ، بعدين نزلت بالشعيرية علي العدس وسيبتهم يغلوا مع بعض لحد لما الشعيرية استوت ، واخر حاجة ضيفتها الملح وبس كدة ، ولو مش حابة الشوربة تبقي تقيلة ممكن تزودي عليها شوية ماء ،
  4. قدميها مع عصير ليمون وصن بايتس ، او عيش محمص ، او بيك رولز وبالف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →