→ كل الوصفات
اكلة من الاخر وهممممم وتنفع في الشتا اللي احنا فية دة وبيدي طاقة جامدة
المقادير
- 0.5 كيلو عدس اصفر
- 2 بصلة متوسطة
- 3 طماطم وسط
- 4 حبات جزر
- 2 حبة بطاطس صغيرة
- 0.5 كوب شعيرية
- 4 ملاعق سمنة
- قلي زيت
- ملح
- كمون
- مكعبين ماجي
- 2 بصلة كبار
- 10 فصوص توم مفروم
طريقة التحضير
- اول حاجة بنجيب حلة بنحط فيها العدس ونغسلة كويس وبعدين نحط فيها ماية ونحط الحلة على النار لحد مايغلي
- نحضر بقى الخضار نقطعها كلها مكعبات كبيرة
- العدس يغلي نشيل الريم كله وبعدين نحط الخضار كله لحد مالخضار يستوي والعدس يتهري. نقفل عليه
- بعدين نجيب الخلاط نحط شوية خضار بعدس ونضرب في الخلاط لحد مايبقي القوام ناعم لحد مانخلص مقدار العدس كله
- بعدين نحطة تاني في الحلة ونزودة ماية كتير وبعدين نحطة على النار ونحط فية مكعبين الماجي
- نحضر بقى البصل نقطعه مكعبات صغيرة وبشوية زيت ونشوح فيها لحد مايبقي لونه دهبي فاتح
- ننزل بالتوم المفروم ونشوح لحد مالكل يحمر ننزل بيه على العدس
- بعدين نحط الملح والكمون ولو محتاج ماية زودي عشان يبقي خفيف يغلي نقفل عليه
- نحضر بقى الطاسة فيها شعيرية بمعلقتين سمنة كبار وشوية زيت نحمر فيها
- بعدين نسقطها على العدس ونوطي عليه لحد مايستوي ونقلب كل شوية عشان العدس مايلزقش في الحلة من تحت
- يقدم جمب بصل اخضر وعيش محمص والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد