→ كل الوصفات

شوربة عدس بحامض

معروفة شوربة عدس بحامض يعني سلق بس أنا ما بعملها إلا بسبانخ أخضر ، الطعمة ما بتختلف أبداً جربوها😉

  • كيلو سبانخ أخضر
  • 2 كوب عدس
  • 2 حبة بصل متوسطة
  • 1 حبة بطاطا
  • كمون
  • ملح
  • حامض
  • زيت زيتون
  1. بنقع أوراق السبانخ بالماء وبغسلها منيح لان عادة السبانخ بكون معلقةفيه تراب
  2. بفرم البصل والبطاطا مربعات صغيرة. بقلي البصل بالزيت وبعدها بضيف البطاطا والسبانخ فوقهم بتركهم على نار خفيفة يذبلو برش الملح والكمون
  3. بهيدا الوقت بكون سلقت العدس بطنجرة ثانية لحد الاستواء قليلاً. بضيفه فوق السبانخ والبصل وبتركهم يغلو سوا ولما تأكد من إستواء العدس بطفي النار وبعصر فوقهم حامض
  4. بقدمها ساخنة وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →