→ كل الوصفات

شوربة عدس تغميسه

#شوربة عدس بالشعيريه واللسان عصفور بتكون تقيله تتغمس بالعيش تغير عن فته العدس شويه وبتكون لذيذة جداً بجانب طبق شوربة العدس الخفيفه

  • ¼ كيلو عدس اصفر
  • 2 جزه وسط
  • 2 بصله وسط
  • 2 طماطم وسط
  • حبة بطاطا وسط
  • 10 فصوص ثوم كبار
  • مكعب ماجي خضار
  • ملح وفلفل اسود حسب الرغبة
  • رشة كمون
  • شطه ناعمه
  • كزبرة ناشفه
  • ¼ كوب شعيرية
  • ¼ كوب لسان عصفور
  • زيت
  • زبده
  • بصله وسط مفرومه
  1. نحضر العدس المغسول ويوضع في حله ونحط عليه ماء تغطيه وبعدين نحط عليه كل الخضار متقطع مكعبات كبيره والثوم ومكعب ماجي ونولع عليه ونسيبه لحد مايتم السوا
  2. بعد السوا نطفي عليه ونجيب الهاند بليندر ونضربه كويس ونصفيه بماصفاه عشان نضمن ان مافيش اي تكتلات بعد كده نحط زيت وحته زبده يسخنوا في الحله وننزل عليا بالشوربه المصفيه ونحط كل البهارات والملح ومكعب الماجي ونسيبهم يغلوا مع بعض شويه بعد كده نطفي عليه
  3. بعد كده نجيب حله ونحط فيها زيت وزبده وننزل ببصله مفرومه وبعد ماتدبل ننزل باللسان عصفور والشعريه
  4. نفضل نقلب كويس لحد مايحمروا كويس بعد كده ننزل بالشوربه ونسيبهم يستوي مع بعض مع التقليب المستمر بعد كده نطفي عليها ونغطيها لوقت التقديم
  5. هي بتكون تقيله جداً لدرجه انها بتتغمس بالعيش وبتتقدم جنب طبق الشوربه الخفيف مع العيش والبصل والطماطم المخلله والباذنجان المخلل وبالف هنا
عجبتك الوصفة؟
شوف كل وصفاتنا في مكان واحد
كل الوصفات →