→ كل الوصفات

شوربة عدس خفيفه بطعم و لون طبيعي بدون اضافة كركم او الوان

#شوربة_العدس من الاكلات المفيده جداً و الغنيه بالفيتامينات والمعادن ، تحضيرها سهل و الطعم رااائع بدون اضافات غريبه و بدون تقليه كمان . جربوها بالطريقة دي و هتعجبكم اوي. #التحدي_الذهبي 💛

  • 3 اكواب عدس اصفر مغسول و منقوع على الاقل ساعة
  • 1 بصله كبيره مقطعة كبير
  • 2 فص ثوم كبير صحيح
  • 2 حبة طماطم مقطعين
  • 2 حبة جزر مقطع
  • 1 حبة بطاطس مقطعة
  • ملعقة كبيره زبده
  • التوابل
  • ملح ،
  • كمون ،
  • كزبرة ناشفه،
  • بابريكا
  • 2 ليتر ماء ساخن للتسويه
  1. في حلة غويطه (مهم) نضع الزبده و نسيبها تسخن و نشوح فيها البصله مع اضافة الكمون و يتشوحوا لمدة ٣ دقائق
  2. نضيف فصين الثوم و الكزبرة الناشفه و نقلب كويس و نضيف باقي الخضروات و نقلب لحد ما يتشبعوا بالطعم و نزود الملح و البابريكا
  3. نضيف العدس بعد ما نصفيه كويس و نسيبه يشرب من طعم الخليط لمدة دقيقه واحده
  4. نضيف ماء ساخن في الحله و نقلب و نغطي و نهدي النار لحد ما الجزر يستوي
  5. نضرب الخليط بالهاند بليندر كويس و يقدم ساخن مع عيش محمص او مقلي و مع الباذنجان بالخلطه 💛❤
عجبتك الوصفة؟
شوف كل وصفاتنا في مكان واحد
كل الوصفات →