→ كل الوصفات
شوربة عدس ؛ على نار هادية = بطن هادية
المقادير
- 2 كوب عدس
- 2 عود كرفس
- 3 حبه جزر
- 3 حبه طماطم
- 1 حبه بطاطس صغيرة
- 2 بصل صغير
- 3 فص ثوم
- 1 ملعقه ص كمون
- 1 ملعقة ص بابريكا
- رشه فلفل اسود
- 1 ملعقه ص كزبرة
- 1/2 كوب حليب
- توست او عيش فينو
- رشه فلفل
- رشه ملح
- ثوم باودر
- زيت زيتون
- الطشه
- 1/2 ملعقه كزبره
- 4 فص ثوم مفروم
- 1 ملعقه ك زبده
- 3 قطع مستكه
طريقة التحضير
- قشرت الكرفس وقطعته هو والطماطم -جزر -بصل، نزلتهم فى حله كبيره ومعاهم العدس وثوم -ماء "يغطى المكونات كلها" وكمون، سيبتهم يغلو ونزلت رشه فلفل اسود وسيبتو على نار هاديه وغطاء الحله غيييير محكم "علشان البقوليات المفروض ما تتكتمش"
- كل فتره بقلب العدس علشان مايلزقش فى الحله، لما الجزر استوى نزلت كزبره وملح، ضربت الخليط بهاند بلندر، صفيت الشوربه فى حله ثانيه ونزلت عليها حليب وسيبتو يغلى
- قطعت العيش ونزلت عليه زيت زيتون -رشه فلفل -رشه ملح -ثوم باودر وحمصته فى الفرن
- الطشه: سيحت الزبده والمستكه نزلت ثوم وكزبره، نزلتها عليها شوية من الشوربه قبل ما الثوم ياخد لون ونزلتهم مع بعض فى حله الشوربه
- اللى بيطلع فى المصفى بيتاكل بردو😋
- طريقه اخرى: نشوح البصل، وبعدين ننزل الجزر والبطاطس، قلبت شويه ونزلت الطماطم -العدس -الماء مغلى او شوربه فراخ مغليه
- ملحوظه: لما تطلع رغاوى لونها ابيض بنشيلها بالملعقه نرميها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد