→ كل الوصفات

شوربة عدس

طريقة عمل شوربة عدس سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/4 كيلو عدس اصفر
  • 1/2 كوب شعريه
  • 2 طماطم متقطعة مكعبات
  • 1 جزر متقطعه شرايح
  • 1 بصله متقطعه شرايح
  • 3 فصوص توم "العدد حسب الرغبه"
  • 1 مكعب مرقه
  • 2 رغيف عيش متحمص
  • البهارات
  • ملح وفلفل اسود حسب الرغبة
  • كمون
  • رشه سكر خفيفه
  1. ننضف العدس كويس من اى شوائب ف مصفه
  2. بعدين هنغسله كويس جدااااا
  3. هنحط العدس المغسول ف حله وهنضيف عليه الطماطم المتقطعه مكعبات والبصل والتوم والجزر وهنضيف عليه مايه مغليه أو عاديه لحد ما الكميه تتغطى بالمايه وهنغطى عليه ونسيبه ولما يبدأ ف الغليان هنهدى النار خالص ونسيه لحد ما يشرب المايه ويستوى
  4. بعد مايستوى هنسيبه يبرد وبعدين هناخده ونحطه ف الخلاط ونضرب كويس اووى
  5. ف حله ع النار هنحط معلقه زيت او زبده وهنحط الشعريه لحد اما تاخد لون دهبى جميل (بلاش نغمق اللون اكتر من كده عشان هيخلى الشوربه لونه غامق)
  6. هنضيف على الشعريه شوربة العدس اللى ضربناها ف الخلاط وهنضيف البهارات (الملح والفلفل الاسود والكمون ورشه السكر) وهنضيف مكعب المرقه و كوب مايه عشان الشعريه تستوى ومتلزقش ف الحلة
  7. هنسيبهم يغلو مع بعض دقيقة وبعدين هنطفى الناار
  8. وكده تكون شوربه العدس جاهزة وهتتقدم مع العيش المحمص وبالف هناا 😘
  9. خطوات اضافيه : ممكن نحمر بصله صغيرة ونزين بيها وش الطبق وكمان بيكون طعمه جميل😋😋
  10. هستنى رايكو ف الطريقه دى واناا بإذن الله واثقه انهاا هتعجبكوا جدااا❤️❤️❤️❤️❤️
  11. نسخ الرابط تمّ نسخ الرابط
  12. البريد الإلكتروني
  13. بينترست
  14. اقرأ المزيد
  15. اطبع الوصفة اطبع الوصفة
  16. انسخ النصّ انسخ النصّ
  17. أبلغ عن الوصفة
  18. شاهد أخبار وصفتك
  19. احذف
عجبتك الوصفة؟
شوف كل وصفاتنا في مكان واحد
كل الوصفات →