→ كل الوصفات
طريقة عمل شوربة عدس سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كاستين عدس مجروش (احمر)
- لترين ماء
- بصلة
- جزرة
- حبة بطاطا
- باكيتين مرق الدجاج الفوري
- ملعقة صغيرة كمون
- ملعقة صغيرة كركم
- رشة فلفل اسود
- ½ كاسة زيت زيتون
- ملعقة كبيرة طحين
طريقة التحضير
- بنحط بالطنجرة زيت الزيتون وبنضيف البصل بعد تقطيعه وبنقلب وبنضيف البطاطا المقطعة مكعبات والجزر المقطع وبنضيف العدس بعد غسله
- بنضيف الماء وبنتركه لما يغلي بنضيف باكيتات مرق الدجاج الفوري وبنتركه على نار هادية لحتى تستوي الخضار
- بنذوب ملعقة طحين مع ملعقتين زيت زيتون وبنضيفها للشوربة وبنحرك لحتى تتقل وبنطفي النار
- بنطحن الشوربة بالخلاط أو الهاند ميكسر أسرع وأسهل وتقدم مممم صحتين وهنا 😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد