→ كل الوصفات
من الذ الشوربات اللي ممكن تتاكل في جو زي ده هي شوربة العدس عملتها بتريكات جديده اضافت لطعمها غناوه وكانت رائعه بفضل الله جربوها بطريقتي يا رب تعجبكم
المقادير
- كوبايه ونص عدس
- ثلاثه كوب ماء قابل للزياده
- نص كوب شعيريه قبل للزياده حسب الرغبة
- 1 بصلة كبيرة متقطعه
- 1 بطاطا وسط متقطعه
- 1 جزره وسط متقطعه
- طماطم وسط
- فصين ثوم
- معلقه صغيره ملح
- رشه سكر
- واحد معلقه صغيره كزبره ناشفة
- نص معلقه صغيره كمون
- نص معلقه صغيره كاري
- ربع معلقه صغيره فلفل اسمر
- ربع معلقه صغيره بابريكا
- رشه صغيره كركم
- اتنين معلقه كبيره سمنه ومعلقه زيت
طريقة التحضير
- بسم الله اللهم صل وسلم وبارك على سيدنا محمد وعلى اله وصحبه اجمعين وسلم تسليما كثيرا الى يوم الدين ❤️
- هنشطف العدس كويس ونصفيه في المصفى
- في حلها على النار هننزل بمعلقتين السمنه ونشوح البصل والجزر والبطاطا والطماطم ونضيف عليهم فصين الثوم مجرد ما ريحه الثوم تظهر هنضيف العدس ونقلب ونشوح العدس كويس جداً
- هننزل عليهم بالماء المغليه والبهارات بتاعتنا والبهارات قابله للزياده او النقصان حسب الرغبة البهارات الاساسيه عندي الكمون والكزبره ورشه الفلفل الاسمر
- هنسيبهم يستوي كويس وكل المكونات اللي حطيتها تستوي تماما ونخليه يهدى شويه
- هنحمر الشعيريه في ملعقة الزيت ومعلقه سمنه ومجرد ما تأخذ لون حلو نضيف عليها نص كوب ميه ونسيبها تستوي تماما
- هنضرب العدس في الخلاط او بالهاند بلندر ويكون ناعم كريمي هضيف عليه الشعيريه المستويه مجرد ما ياخذ غلوه هيكون جاهز على التقديم ونظبط البهارات والملح بتاعنا
- ملحوظه 🤓 خطوه تسويه الشعيريه لوحدها تماما بتحافظ ان الشعيريه ما تلزقش في قعر الحله وماتتلسعش وتفضل الشعيريه جوه الشوربه مش راكنه تحت يا رب اكون عرفت اوضح لكم انا قصدي ايه وبنخليها تاخذ غلوه مع الشوربه عشان تأخذ من طعمها ومجرد ما تأخذ الغلوه نقلب تقليبه عشان ما تلزقش وقدموها مع عيش محمص وبصل اخضر اضافه البطاطا لشوربه العدس بتديها طعم رائع ومش بتبان نهائي وكذلك الكاري جربوها بطريقتي وبالف هنا
- افكار للتقديم🌷 ممكن نقلب ملعقة ثوم في ملعقة سمنه واول ما تظهر ريحه الثوم ننزل بمعلقه كزبره خضراءتقلبتين ونحطها فوق الوجه وتتقدم كده بالف هنا وممكن نعمل طشه زي بتاعه الملوخية بتوم وكزبره ناشفة ملعقة سمنه وتقدم فوق الوجه وممكن بملعقة زبدة فوق الوجه تسيح وتندمج مع الشوربة زي ما جدتي الله يرحمهاكانت بتأكلهاني كدة 😋😋
- اخيرا اللهم اغفر لجدتي وارحمها واسكنها فسيح جناتك يا رب العالمين وأجعلها من اهل الفردوس الاعلى يا رب ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد