→ كل الوصفات

شوربة لحمة ومشروم بالكريمة اللباني

عاملة عزومة النهاردة وهبقي انزل صنف صنف ان شاء الله 🙂 #شجع_مصر

  • لحمة مسلوقة مكعبات صغيرة
  • قطع مشروم (فطر)
  • بصلة مبشورة
  • 4 معالق دقيق
  • لتر ونص مرقة لحمة
  • 3 معالق كبار كريمة لباني
  • ملح ، فلفل ، بهارات لحمة ، رشة جوزة الطيب ،
  • حبهان ، ورق لوري
  • 2 مكعب مرقة لحمة (اختياري)
  1. احط الزبدة وحبة زيت في الحلة ومعاهم الحبهان عشان تطعم الزبدة وبعدين اضيف البصل معاه رشة ملح وفلفل
  2. اول اما البصل يذبل انزل بالمشروم (الفطر) وافضل اقلبه شوية حلوين
  3. بعدين انزل باللحمة اللي سلقاها ومقطعاها قطع او (بواقي لحمة عندك مسلوقة او مشوية) وافضل اقلبهم بس مش كتير عشان اللحمة متتهريش
  4. بعدين اضيف الدقيق واقلبهم تاني كويس وبعدين انزل بالمرقة وبقيت التوابل والماجي واظبط الملح بتاعي
  5. اول لما الشوربة تتقل اطفي النار واضيف الكريمة واقلبها لحد ما تذوب وتقدم ساخنة وبألف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →