→ كل الوصفات
#جددت_وصفتي ( شربة جد رائعة خاصة للاطفال في مكان الفارميسال او الفريك عملتلها لسان العصفور جاات روووعة👌👌)
المقادير
- أطراف اللحم
- حبة بصلة كبيرة
- حبة جزر
- حبة كوسة
- حبة بطاطا
- حبتين طماطم
- ملعقتين طماطم مصبرة
- كاس لسان العصفور (تليتلي)
- حشيش-كرافص
- ربطة صغيرة نعناع اخضر
- ملح وفلفل اسود حسب الرغبة
- رشة قرفة
- ملعقة عكري حلو
- رشة صغيرة نعناع يابس
طريقة التحضير
- في قدر نسكرفج حبة البصل ونقليها مع أطراف اللحم وحبة الجزرة،الكوسة والبطاطا ونضيف الملح،فلفل اسود ورشة القرفة. ونزيد الحشيش والكرافص مقطعين
- نقسم حبتين الطماطم وننزع الزريعة ونطيبها ونمكسيها ونضيفلها ملعقتين طماطم مصبرة ونضيفهم للقدر مع عكري الحلو.و بعدها نمرق ونضيف ربطة النعناع ونخلي الكل يطيب
- كي يطيبو الخضروات(البطاطا، كوسة والجزر) نرحيهم ونعاود نرجعهم
- في مقلاة نحمص لسان العصفور حتى يصبح لونو ذهبي
- وبعدها نضيفو للقدر حتى يتنفخ ونطفي وحك مابين الأيدي النعناع اليابس ونضيف الحشيش والشربة تكون جاهزة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد