→ كل الوصفات
#اطبخها_لا_ترميها لما طيبت الدجاج بالروزماري المرق الي طاب فيه اكيد منرميهش درت بيه شربة لانو المرق يكون مليان بالبنة والنكهات واكيد ضفتلو اضافات اخرى
المقادير
- المرق نتاع الدجاج
- بصلة صغيرة
- 1/2 حبة طماطم
- 2 فص ثوم
- ملعقة كبيرة طماطم مصبرة
- كسبر مرحي
- كسبر مقطع
- فلفل احمر حار
- ملعقة صغيرة راس الحانوت
- ملعقة صغيرة هريسة
- قطع دجاج الي عندك
طريقة التحضير
- حطيت في الكوكوت الدجاج والبصل والثوم مرحيين والطماطم الحب كرفجتها والطماطم المصبرة والتوابل هنا مدرتش الملح لانو المرق مالح قليتهم مليح
- لما تقلاو سخنت المرق نتاعي ونمرق بيه ونصكر الكوكوت ونخليها طيب لما طابت فتحت عليها وضفت فنجال لسان العصفور وخليتها طيب
- لما طابت ضفت سنة ثوم مفروم وكسبر مقطع وكسبر مرحي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد