→ كل الوصفات
طريقة عمل شوربة لسان عصفور بطريقتي الخاصة ❤️ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- حلة شوربة فراخ او لحمة
- كمية لسان عصفور حسب الرغبة
- زيت او سمنة للتحمير
- مكعب مرقة
- معلقتين كبار صلصة بيتي
طريقة التحضير
- الشوربة بتاعت السلق للفراخ او اللحمة يكون متضاف ليها طماطم وجزراية وفلفلاية وبصلاية وحبهان وورق لورا وملح وفلفل ورشة بهارات وقرفة ومكعب مرقة دجاج
- بعد ما الفراخ او اللحمة تتسلق نظبط ملحها ونصفيها
- في حلة على النار ننزل بالسمنه او الزيت ونحمر لسان العصفور لحد ما ياخذ لون ذهبي غامق
- ننزل بالشوربة المتصفية المغلية على لسان العصفور بحرص ونضيف معلقتين الصلصة ودي اللي بتنقل الطعم في حتى تانية خالص
- نسيب العصفور يغلي غلوة واحدة ونطفي النار ونغطيه لحد ما يستوي ويتقدم طبق جانبي او كشوربة وبألف هنا ♥️♥️
- اهم حاجة نظبط مقدار الشوربة على كمية لسان العصفور اللي هنعملها لازم تبقي ازيد مش عالقد علشان ميتشربهاش وميبقاش في شوربة 😂😂♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد