→ كل الوصفات

شوربة لسان عصفور

#المريول_السوبر #زيت #كوسا #لسان_عصفور اللهم صل وسلم وبارك على سيدنــا محمــد، حبيــت نشـارك معاكـم اليـوم ضمن المريول السوبر، شوربة لسان عصفور 😋 بزاف بنــينة وخصوصا كي فيها مزيج من الخضر 👌🏻 😋، نتمنى تعجبكم الطريقة، أمسية طيبــــة أحبتـــــي 🌷💖🌷

  • كاس متوسط لسان الطير (لسان العصفور)
  • حبة بصلة صغيرة مقطعة رقيق أو مبشورة
  • حبة كوسا (كورجات) مبشورة
  • حبة بطاطا مبشورة
  • حبة جزر مبشورة
  • حبة لفت صغيرة
  • حبة طماطم مرابية
  • كرية من الشحمة متبلة
  • 2 ملاعق كبار زيت
  • ½ ملعقة كبيرة طماطم مصبرة
  • 1 ملعقة صغيرة مركز الفلفل الأحمر الحار (لهريسة)
  • الملح حسب الذوق
  • 1 ملعقة كبيرة فلفلة حمرة
  • ¼ ملعقة صغيرة فلفل أسود
  • ½ ملعقة صغيرة كركم
  • ½ ملعقة صغيرة راس الحانوت
  • ½ ملعقة صغيرة سكين جبير (زنجبيل)
  • ½ مكعب مرق البقري
  • ¼ ملعقة صغيرة كمون
  • 1/2 ملعقة صغيرة قصبر ناشف
  • ملعقة كبيرة مزيج بين قصبر ومعدنوس مطحون (كانو عندي في المجمد)
  1. نبدأ على بركة الله، نقي الخضرة اللي نحتاجها في هاذ الوصفة ونبشر كل من (الكوسا والبطاطا والجزر بالرقيق)، في طنجرة الضغط نفرغ 2 ملاعق زيت نخليها تسخن شوية نضيف عليها حبة بصلة مقطعة رقيق مع كرية من الشحمة متبلة ونقليها مليح حتى تذبال شوية
  2. نضيف الطماطم مصبرة ونخلطها مليح مليح
  3. ثم نضيف التوابل (الملح حسب الذوق، فلفلة حمرة، فلفل أسود، كركم، راس الحانوت وسكين جبير) نقلي التوابل شوية ونضيف الخضر اللي بشرتهم ما عدا حبة لفت صغيرة خليتها وافية بغيت غي البنة فقط قليت الخضر جيدا ثم ضفت الطماطم مرابية وخلطت الكل جيدا
  4. نقلي مليح ثم نضيف مركز الفلفل الأحمر الحار (لهريسة) حتى هي نقليها مليح دائما على نار هادئة
  5. نمرق الكل بالماء يكون ساخن جدا، نخليها تشد الغلية ثم نضيف لسان الطير (العصفور) نخلط الكل جيدا ونخليها طيب (تستوي) على خاطرها
  6. كي تقرب توجد نضيف عليها نص كعب مرق البقري والكمون مع قصبر ناشف ونحرك الكل جيدا
  7. في الأخير نضيف الملعقة كبيرة مزيج بين القصبر والمعدنوس مطحونين كانو عندي في المجمد ونخلط نخليها شوية تقريبا 5 دقائق نطفي عليها
  8. قدّمتها مع بيتزا كاري ولا أروع😋👌🏻😋
  9. وشهية طيبة للجميع🥰🌷🥰
عجبتك الوصفة؟
شوف كل وصفاتنا في مكان واحد
كل الوصفات →