→ كل الوصفات

شوربه جندوفلي ومحار مغذيه ومفيده😋

طريقة عمل شوربه جندوفلي ومحار مغذيه ومفيده😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • جندوفلي ومحار او المتاح منهم
  • بصله كبيره مفرومه
  • م ص توم مفروم
  • 1 حبايه جزر وفلفل رومي اخضر وبطاطسيه صغيره
  • 1/2 كوبايه مشروم اللي فرزنا قبل كدا
  • م ص من خلطه التوابل
  • 1/2 لتر لبن
  • 3 م ك دقيق
  • مياه
  • م ص توم بودر وبصل بودر
  • رشه جوز الطيب
  • 1/4 م ص نعناع ورشه زعتر
  • م ص كزبره
  • م ونص ص كمون
  • 1/4 م ص فلفل اسود
  • 1/2 مرقه دجاج
  • م ك توابل سمك
  • فص مستكه
  • 3 ورقات لورى
  • 2 حبهان
  • ملح
  • بقدونس مجفف او فريش او متخزن للزينه"اختياري"
  1. هنغسل الجندوفلي والمحار كويس اوي بمياه جاريه ونخليهم في مياه نص ساعه ينزلوا كل الرمله_(الجندوفلي صدف صغير رمادي وبني كدا والمحار لحمه اطرى من الجندوفلي واكبر والطعم اقوي ف عادي نستخدمهم مع بعض او اي حاجه منهم)_ هنحط مكعبين زبده وزيت ونضيف الدقيق يغير لونه ننزل ب اللبن ونقلب ونضيف مياه لحد منظبط القوام (كنت عامله مكرونه واستخدمت مياه السلق) ونقلب عشان ميكلكعش نضيف كل التوابل
  2. هغسل اخر مره واحطه في حله مع كوبايه مياه لانه بيبقي مملح اوي ف عايزه اخلص من الملح بتاعه، واقلب فيه لحد ميفتح انقل اللي اتفتح في الحله بتاعت خطوه3 بعد متنتهي الخطوه
  3. نفرم البصله ونشوحها في سمنه او زبده نضيف عليها توم وكزبره ولما تطلع الريحه نحط الجزر والبطاطس والفلفل مفرومين وجزء من الصوص الخطوه الاولي ونضرب ب الهاند بلندر او كبه او خلاط لحد ميبقي كريمي خالص نرجعهم كلهم في حله واحده ونضيف المشروم
  4. كدا كل حاجه بقيت في نفس الحله هنخليها 7دقايق علي النار ونقفل عشان لحمه مينشفش من جوا ونزينه ب بقدونس مجفف وبالف هنا🩵 معلومه صغيره"واحنا لسه بنغسله في البدايه بنتخلص من المفتوحه او المكسوره، ولما نشوحه او نسلقه اللي متفتحش بنتخلص منه بردو"
عجبتك الوصفة؟
شوف كل وصفاتنا في مكان واحد
كل الوصفات →