→ كل الوصفات

شوربه عدس بالشعيريه

#المرور_الاول

  • كبايتين عدس مغسول ومصفى
  • 0.5 كوب شعيرية حسب الرغبه
  • ثمره بطاطس
  • 4 جزرات
  • ثمره طماطم 🍅
  • 1 بصله
  • فصين ثوم
  • 2 م زيت
  • لترين ماء
  • التوابل
  • ملح
  • فلفل
  • كمون
  • للتقديم
  • عيش محمص
  • شطه
  • قليل سمنة
  1. هنغسل العدس ونصفيه ونغسل الخضروات ونقطعها
  2. بعد وضع الماء في القدر على النار هنضيف العدس المغسول وبعده الخضروات
  3. وهنسيبه على النار ونقلب من حين لاخر لمده ساعة الا ربع او باختبار سوى الجزر لانه اكتر حاجه بتغيب في السواء
  4. لما نتأكد من سوى الخضروات هنأخذ كل الكميه في الخلاط على كذا مره طبعاً ونطحنهم مع بعض كويس بحيث كل المكونات تمتزج مع بعض ويكون مفيش قطع خالص
  5. وهنرجعهم تاني الحله
  6. في طاسه على النار هنجيب معلقتين زيت وشعريه حسب الرغبه هنحمرها لحد مايكون لونها ذهبي
  7. بعد التحمير هنضيفها لحلة الشوربه ونقلب ونفتح النار عليها تغلي ونقفل
  8. ممكن تحمصي العيش ب انك تدهنيه سمنه وتحطيه في الفرن وانا المره دي عملت طريقه جديده
  9. قطعت العيش زي الفته وفرمت فص ثوم وحطيت سمنه وقلبتهم بالعيش
  10. اول مايتحمص او يحمر لونه شويه اطفي عليه وحطيه في طبق التقديم
  11. واغرفي شوربه العدس وهي ساخنه وخلي الشطه خارجيه على حسب الرغبه
  12. والف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →