→ كل الوصفات

شوربه عدس

#طبخات_عائلتي

  • كوب عدس اصفر
  • بصله متقطعه على اربعه
  • 1 طماطم
  • 2 جزره
  • 4 فصوص ثوم كبيره
  • 1 بطاطس متوسطه
  • بصلةمبشوره
  • 1/2 كوب شعيرية
  • سمنه
  • عيش متحمص
  • ملح حسب الرغبة
  • م ص كمون
  1. في حله نضع كل الخضار متقطع مكعبات : العدس و الطماطم و الجزر و الثوم و البطاطس و البصله المتقطعه اربعه
  2. نزود عليهم ماء يادوب بس تغطيهم و تزيد عليهم حوالي 2سم بلاش نزود ماء كتير عشان متبقاش خفيفه اوي
  3. لما الماء تغلي نخفف النار و نغطيها لحد لما نلاقي الخضار استوى خالص
  4. لما تستوي نبدأ نضربها بالخلاط او الهاند بلندر و نتأكد ان كل الخضار اتضرب كويس جدااا ومفيش كلاكيع
  5. نرجع الشوربه تاني في الحله بعد ما كنا غسلناها كويس نخفف النار بقى لحد ما نحضر التقليه
  6. في طاسه نحط ملعقة سمنه و ننزل عليها بالبصله المفرومه واول ما تذبل ننزل عليها بحوالي نص كوب شعيرية
  7. نقلبهم باستمرار مع بعض لحد ما ياخدو لون ذهبي حلو بعد كده ننزل بيهم على الشوربه في الحله و نقلبهم كويس
  8. نقفل النار خلاص و نغطيها عشان الشعيرية تستوي براحتها و طبعاً نتبلها بالملح و كمون ولو حسينا ان الشوربه تقيله عادي نزودها شويه شوربه ساخنه صغيرين لحد ما توصل للقوام اللي احنا بنحبه
  9. نغرفها في اطباق و نقدمها مع عيش متحمص وبالهنا و الشفا
  10. بالنسبه للعيش انا بقطعه قطع و احمره في ملعقة سمنه على البوتجاز من فوق و اكون مشغله الفرن عشر دقائق بس و قفلاه لما العيش يتحمر ادخله الفرن وهو مقفول بيطلع مقرمش وجميل 💕💕
عجبتك الوصفة؟
شوف كل وصفاتنا في مكان واحد
كل الوصفات →