→ كل الوصفات

شوفان بالشوكولاته و البرتقال

#بداية_خير لما بكون زهقانة وعايزة اجرب حاجه جديدة وفي نفس الوقت تعدل mood و كمان delicious 😋 و healthy بعمل الوصفة دي ف الفطار مناسبه جدا إذا عايزين تدفوا في اجواء الشتاء الباردة ونكسر الملل شوية في أكلنا هتعجبكم جدا جدا بإذن الله ❤️

  • 40 جرام شوفان كامل الحب
  • 150 مل حليب كامل الدسم (أو نص دسم)
  • 50 مل ماء
  • م ك كاكاو خام
  • 2 برتقال صغيرين أو 1 وسط
  • مكعب شوكولاته دارك للتزيين بس انا بصراحه كسرت بسكوت دارك عندي نص قطعه وفتته من فوق علشان يبقى crisp
  1. في حله صغيره ع نار حطيت شوفان والحليب والماية و الكاكاو وقلبت
  2. اخدت برتقال عصرته وحطيت العصير بتاعه ع خليط شوفان وسيبت شريحة لاتنين ازين بيهم
  3. سيبتهم يطبخوا ع نار خفيفه لمدة ٤-٥ دقايق مع تقليب المستمر لحد ماشوفان يطرى
  4. هنا بقى نقدر نحلي الوصفة اذا حبيتوا بمعنى إننا ممكن نحط معلقه صغيره سكر أو عسل للتحليه بس انا ماحستش انها محتاجه صراحه
  5. وبعدين حطيته في برطمان الصغير أو بولة صغيره وزينته بالبرتقال وبسكوت صغنن علشان يعدل مزاجي بس الأحسن طبعا نزينه بشوكولاته دارك 🍫 وبألف هنا ❤️
عجبتك الوصفة؟
شوف كل وصفاتنا في مكان واحد
كل الوصفات →