→ كل الوصفات
على فكره دي للملوخيه الأكياس كمان عادي
المقادير
- لكل كيس ملوخيه
- مغرفتين أو اتنين ونصف شوربه أو بيون أو اي صوص
- معلقتين كبار سمنه
- 4 فصوص ثوم مفروم او خمسه
- ملعقة طعام كزبره ناشفه مطحونه معلقه صغيره سكر
- ملح
طريقة التحضير
- اول ملحوظه حطي البيون قليل زي المذكور هتعملها تقيله وهنخفها بالسمنه هتكون اجمل
- لو بتشوحي سجق وطلع صوص أو صوص الشاورما أو اي صوص تعمليه اعملي بيه الملوخيه هتبقى اجمل
- وانتي بتحمري الطشه التوم بس يطلع ريحته من غير ما يتحمر تحطي الكزبره وتقليبه وتطشيها
- ولازم تاخدي من الملوخيه بعد ما تحطي الطشه في الطاسه وتحطيهم تاني في الحله بتفرق حلو
- ضيفي ليها السكر وممكن تلات معالق طماطم معصوره هتبقى حلوه وضيفي تومه مهروسه ورشة كزبره مطحونه خفيفه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد