→ كل الوصفات

شيخ المحشي على الطريقة السورية

طريقة عمل شيخ المحشي على الطريقة السورية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 2 كيلو كوسا
  • 2 رزمة بقدونس
  • كيلو لحمة ناعمة
  • ½ كيلو بصل
  • ½ كاسة طحينة مقدار
  • ½ كاسة دبس رمان مقدار
  • ملح وفلفل حسب الرغبة
  • معلقتين سمنة
  • بطاطا وحدة ل اسفل الطنجرة
  1. بنغسل الكوسا منيح وبنصفيها
  2. بنحمس البصلة بالسمنة لتدبل شوي وبعدا بنحط اللحمة والفلفل والملح
  3. لتستوي بالاخير بنكون فرمنا البقدونس ناعم وغسلناه وصفيناه
  4. بنحطو مع اللحمة يادوب نحركن شوي سوى ونطفي تحتن لتبرد
  5. بنعبي الكوسا بحشوة اللحمة والبقدونس وبنقليها ليشقر لون الكوسا وفيكن تقلوها بالاول وتحشوها بعد القلي ملاحظة اذا عبينا الكوسا وقليناها اسهل
  6. بالاخير بنحطها بطنجرة ب اسفل الطنجرة حطو بطاطا شرائح عشان ماتلزق الكوسا بالطنجرة
  7. وبنحط ماء مقدار كاستين يغلو غلوتين بالماء
  8. بنكون خلطنا الطحينة والدبس الرمان سوى على البارد بعدين بنحطن فوق الكوسا على نار هادي ويغلو مع بعض ربع ساعة نص ساعة مابدا وقت كتير على النار والرز معها وصحتين وهنا
عجبتك الوصفة؟
شوف كل وصفاتنا في مكان واحد
كل الوصفات →