→ كل الوصفات
طريقة عمل شيخ المحشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو و نص كوسا حبة صغيرة
- ½ كيلو لحم غنم مفروم ناعم
- بصلتين وسط
- 2 كيلو لبن
- ملعقة نشا
- فلفل أسود
- ملح
- ملعقة فليفلة حمرا يابسة
- صنوبر للتزيين
طريقة التحضير
- منحفر الكوسا منشيل اللب و منترك الجوانب سميكة شوي و منغسلن و منصفين منيح لينشفو عالآخر
- منطبخ اللحمة ب ملعقتين سمنة كبار 🧈 مع البصل 🧅 و الفلفل الأسود و رشة فليفلة حمرا و ملح🧂 حسب الرغبة و منقلبن على نار هادية 🌡ليستوو منيح و منتركن ليبردو ❄
- منقلي الكوسا ب زيت حامي لحتى تستوي و منقلبها منيح و منصفيا من الزيت على محارم المطبخ و منتركا لتبرد لنبلش حشي. بس بردت الكوسا، منحشين شوي شوي منشان ما ننزعا، و منتركن على جنب
- منبلش نشوي اللبن 🔥 منحط اللبن على نار هادية و منحط عليه وهو بارد طبعاً ملعقة النشا و الملح و منضل نحركو🌪 باتجاه واحد لحتى يغلى ، بعدين منسقط الكوسا المحشية فيه و منركز الملح و منرش رشة فلفل أسود و منغطي الطنجرة ومنتركن يستوو شي ١٠ دقائق على نار هادية
- طبعاً شيخ المحشي ما بيصير بلا الرز بالشعيرية 😍 و بس بدنا نقدما منزينا بالصنوبر المقلا بالسمنة و هيك منكون خلصنا ❤❤ و صحو وهنا 🤍😊❤
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد