→ كل الوصفات
طريقة سهلة للشيش طاووق وطعم مميز وبرائحة الفحم 😍👌
المقادير
- 1/2 كيلو صدور دجاج
- 1 علبة زبادي
- 3 ملاعق كبيرة خل
- 1 ملعقة صغيره عصير ليمون
- 1/2 ملعقة صغيرة ملح
- 1/2 ملعقة صغيرة بابريكا
- 1/2 ملعقة صغيرة فلفل اسود
- 1/2 ملعقة صغيرة بهارات فراخ
- 3 فصوص ثوم مهروس
- 3 ملاعق كبيرة زيت
- 2 ملعقة كبيره صوص باربيكيو
- 1 بصلة كبيرة مبشورة
- فلفل اخضر
- طماطم
- بصل
طريقة التحضير
- أولا نقطع صدور الفراخ مكعبات وبعدين نغسلها كويس بالماء والخل والليمون والملح ونصفيها من الماء😍
- نحضر طبق غويط ونضع فيه البصل المبشور والثوم والزبادي والخل والملح والليمون والبابريكا والفلفل الأسود وبهارات الفراخ وصوص الباربيكيو ونقلبهم مع بعض كويس وبعدين نضيف قطع الفراخ في التتبيلة الحلوة دي ونسيب الفراخ في التتبيلة مش اقل من ساعتين ولو عملتيها من بليل هيكون أفضل😍
- نقطع بصل وطماطم وفلفل أخضر مكعبات وشيلي بذور الطماطم عشان متنزلش مية وبعدين جيبي عصيان الشيش طاووق واغسليها بالمية وبعدين حوطي في كل عصاية الفراخ وبعدين الطماطم والبصل والفلفل الأخضر وممكن تحوطي فلفل ألوان لو متوفر عندك يعني شكلي الشيش براحتك وزوقك😍
- بعد كدة حوطي الشيش على الشواية وحمرية لحد لما ياخد لون حلو ويستوي معاكي ولو معندكيش شواية ممكن تحمرية في المقلاية وبعدين لما تخلصي كل الكمية حوطيهم في صينية وولعي فحمة وبعدين حوطيها على ورق فويل وحوطي عليها نقط زيت عشان تطلع دخان وغطي الصينية بغطا او ورق فويل ولما تاخد ريحة الفحم قدميها بعد كدة بجد حلوة اوي جربيها هتعجبك جدا 👌😍وبالعافيه عليكى حبيبتي 😘😘💓🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد