→ كل الوصفات

شيش طاووق مع الرز المبهر

#امي_معلمتي

  • 4 صدور جاج فيليه
  • 1/2 كوب لبن
  • معلقه شطه مجروشه
  • عصير نص حبه ليمون
  • ملح وفلفل اسود حسب الرغبة
  • رشه هيل
  • رشه بابريكا
  • معلقتين كبار زيت زيتون
  • معلقه كبيرة معجون بندورة
  • معلقه كبيرة صويا صوص
  • معلقه كبيرة خل ابيض
  • معلقه صغيرة بابريكا
  • معلقه صغيرة توم بودرة
  • كوب فليفله ملونه مقطعه مكعبات كبيرة شوي
  • 3 كاسات رز بسمتي
  • مرق دجاج
  • شرائح بصله مقطعه
  • ملح وفلفل حسب الرغبة
  • معلقه ص كاري
  • بهارات طبيخ
  • قرن فلفل اخضر
  • معلقتين كبار سمنه
  • معلقه كبيرة زيت نباتي
  • 4 حبات هيل حب
  • عود قرفه
  • حبه جزر مبشورة
  • زبيب
  • كاشو
  • لوز
  1. طبعا تنضيف الجاج ونقعه وتصفايه كتير منيح ، بعدين بجهز مقادير التتبله كلها سوا ، من لبن وزيت وعصير ليمون وملح وبهارات ، وبخلطهم سوا كتير منيح وبنقع الجاج فيهم كم ساعه او قبل بليله ، هلا بجيب اسياخ الشوي وبحط قطع الجاج والخضار وبشويهم بالفرن مع التقلبب كل شوي لحتى يستوي ويتحمر من كل الجههات ،
  2. هلا هون بجهز الرز بجيب طنجرة بحط فيها السمنه والزيت وبنزل عليهم هيل الحب والقرفه والفلفل الاخضر وبحمصهم سوا وبنزل عليهم الرز المنقوع والمغسول والمصفى وبحوسهم سوا بحط الملح والبهارات والفلفل الاسود وبحوسهم وبنزل عليهم مرقه الجاج وبكمل سواهم
  3. السكب بسكب الرز وبحط عليه عيدان الشيش طاووق وبزينه بالجزر المبشور والزبيب والكاشو واللوز والفلفل الاخضر وصحتين والف هنا
عجبتك الوصفة؟
شوف كل وصفاتنا في مكان واحد
كل الوصفات →