→ كل الوصفات

شيش طاووق مع طحينه وبطاطس محمره

طريقة عمل شيش طاووق مع طحينه وبطاطس محمره سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 3 صدور فراخ مخليه
  • كوب زبادي
  • ملح وفلفل اسود حسب الرغبة
  • ملعقة صغيرة بهار فراخ
  • شطه
  • 1 ليمونه
  • خل
  • مكعبات طماطم
  • مكعبات بصل
  • مكعبات فلفل اخضر
  • كاتشب
  • ثوم
  • زيت نباتي
  • طحينه
  • زبادي
  • ملح وفلفل أسود حسب الرغبة
  • خل
  • بطاطس الكمية حسب العدد
  • ملح حسب الرغبه
  • ماء ساخنه
  • رشة بهارات مشكله
  1. هنقطع الفراخ مكعبات
  2. هنحط طماطم وفلفل اخضر وبصل وثوم وزبادي وليمون وخل والبهارات والكاتشب والزيت في الخلاط مع شوية ماء ونفرمهم كويس ونتبل بيهم الفراخ من بليل
  3. هنصفي الفراخ من التتبيله ونكون مجهزين طماطم وفلفل وبصل. مقطعين مكعبات ونرص فلفل بصل طماطم فراخ لحد مايتملي السيخ
  4. هنجيب جريل ونسخنها كويس وندهنا زيت ونرص فيها الشيش ونقلبه لحد مايستوي ويأخذ لون حلو
  5. هنحضر الطحينه هنجيب معلقتين طحينه مع معلقتين زبادي ومعلقتين خل ورشة ملح وفلفل ونخلطهم ونزودها ماء دافيه لحد مانوصل للقوام المطلوب وممكن نضيف ليها فص ثوم مفروم حسب الرغبه
  6. البطاطس هنقشرها ونغسلها ونقطعها صوابع متوسطه ونحطها في الماء السخنه مع التوابل تأخذ غلوه ونطلعها على ماء بتلج ونسبها شويه لحد ماتبرد خالص ونصفيها وننشفها كويس وتتقلي في زيت غزير سخن جداً وبألف هنا
عجبتك الوصفة؟
شوف كل وصفاتنا في مكان واحد
كل الوصفات →