→ كل الوصفات

شيش طاووق

طريقة عمل شيش طاووق سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ½ كيلو اوراك فراخ مقطعة مكعبات
  • 3 معالق كبيره زبادي
  • ¼ كوب زيت
  • ¼ كوب خل
  • معلقه كبيره كاتشب او صوص حار
  • ماء بصله
  • معلقه عسل ابيض
  • ملح
  • فلفل اسود
  • بهارات فراخ
  • قرفة
  • بابريكا
  • ثوم بودرة
  • 1 معلقه دبس رمان اختياري
  • كاري
  • كركم
  • رشه زعتر
  • 1 عصير ليمونه
  • 1 فلفل أخضر اصفر واحمر
  • بصل كلهم مقطعين مكعبات
  1. نغسل الأوراك كويس و نصفيه من اي ماء في بوله تانيه هنحط التتبيله الزبادي والزيت والخل ومعلقه العسل و دبس الرمان وماء البصله وكل البهارات و نقلبهم كويس جداً مع بعض
  2. هنحط عليهم الأوراك المتقطعه ونخلطهم كويس جداً و نغطيهم ونسيبهم في الثلاجه ليله كامله او اقل حاجه من ٤ ل ٦ ساعات
  3. احنا ممكن نحطهم في علبه في الفريزر نطلعهم اي وقت تاني تفك ونستخدمهم
  4. بعد ما شربت التتبيله كويس هنحضر أسياخ الشيش طاووق بعد ما نقعناها حوالي ربع ساعة في ماء عشان متتحرقش ونرص فيهم الخضار مع الاوراك
  5. التسويه ممكن تكون في الفرن او على طاسه او جريل او على الفحم انا هنا استخدمت الجريل حطيت فيها معلقتين زيت وسخنت رصيت عليها الاسياخ
  6. أول ما تأخذ لون من ناحيه نقلبها على الناحيه التانيه بعد كده نغطيها شويه لحد ما تستوي وبالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →