→ كل الوصفات

شيش طاووق

#الشيف_الذهبي

  • 1 كيلو من أوراك أو صدور الفراخ المتقطعة مكعبات
  • مكعبات بصل وطماطم وفلفل أخصر
  • 1 كوب زبادي
  • 2 معلقة كبيرة زيت
  • 2 معلقة كبيرة خل
  • 1 معلقة كبيرة صويا صوص
  • 1 بصلة متوسطة مفرومة ناعم
  • عصير ليمونة كبيرة
  • 4 فصوص توم مفرومين ناعم (معلقة صغيرة توم مفروم)
  • 1 معلقة كبيرة صلصة طماطم
  • رشة ملح
  • 1/2 معلقة صغيرة من التوابل
  • فلفل اسود
  • توم وبصل بودر
  • زنجبيل بودر
  • كزبرة ناشفة
  • بابريكا
  • رشة شطة
  1. في بولة هنضيف الزبادي ونخلطها كويس لحد ما القوام بتاعها يبقا سايل ونضيف عليها باقي المكونات وكل التوابل ونخلطهم كويس
  2. بعد كدا بتحطي التتبيلة على مكعبات الفراخ وتتأكدي انها غلفت كل القطع وتغطيها وتسيبيها ف التلاجة ليلة كاملة
  3. لو الأسياخ بتاعتك خشب بتنقعيها في ماء لمدة ساعتين عشان متتحرقش في الفرن
  4. تاني يوم تبدأي تضيفي مكعبات الفراخ بالتبادل مع مكعبات الخضار زي ما تحبي
  5. وترصي الاسياخ بتاعتك على صنية بشبكة زي دي كدا 👇🏻
  6. لو مش متوفرة بترصيها على صنية زي دي مثلا 👇🏻
  7. المهم انها تكون مرفوعة لأن الفراخ هتنزل سوايل
  8. بعد ما تخلصي الاسياخ وترصيها هتجيبي التتبيلة بتاعة الفراخ وتصفيها بصفاية ناعمة
  9. وهتبدأي تستخدمي الخليط دا بإنك هتدهني الأسياخ بفرشة من التتبيلة دي عشان الخضار ياخد من الطعم
  10. وتتدخلي الاسياخ على ارضية الفرن وبعد ربع ساعة تقلبيها ع الناحية التانية وتدهنيها بالخليط وتسيبيها ربع ساعة كمان
  11. بعد كدا من وقت للتاني تفضلي تقلبيها لحد ما تحمر وتستوى
  12. ممكن في الاخر تفتحي الشواية عشان تاخد لون وبس كدا 😋
عجبتك الوصفة؟
شوف كل وصفاتنا في مكان واحد
كل الوصفات →