→ كل الوصفات

شيش كباب ـ مكرونة بالصلصة والبصل

شيش كباب بطعم روووعة ، مع مكرونة بالبصل الاخضر بقي يعني بجد ميكس يجنن مع بعض

  • 1/2 لحمة بتلو مقطعة مكعبات صغيرة
  • بصل مقطع
  • طماطم مقطعة
  • فلفل رومي مقطع
  • لية ضاني مقطعة
  • علبة زبادي
  • 2 م ك خل
  • 3 م ك زيت زيتون
  • م ص من (بهار لحمة ، فلفل ، سماق ، بودرة ثوم علي بصل)
  • ملح حسب الاحتياج
  • كيس مكرونة مسلوقة
  • بصلة صغيرة مبشورة ناعم
  • 1 بصلة اخضر باوراقها مقطعة
  • كوب ونص عصير طماطم
  • م ص فلفل اسود
  • 2 مكعب ماجي
  • ملح حسب الاحتياج
  1. اولا الشيش كباب : في بولة اضع اللحمة والخضار واللية واتبلها بالتتبيلة السابقة واسيبها من بالليل للصبح او اقل حاجة ساعتين بعدين احطها في الاسياخ الخشبية وابدا اشويها عي الجريل او في طاسة تيفال او في الفرن زي ما تحبي بعدين حطي الشيش في صينية كدة وولعي حتة فحمة وحطيها في ورقة فويل وانزل عليا بشوية زيت وغطي الصينية عشان الشيش كباب ياخد ريحة الفحم وبس كدة
  2. ثانيا المكرونة : في حلة اضع مكعب زبدة مع شوية زيت وانزل البصل المبشور والاخضر واشوحهم شوية وبعدين بعدين انزل عليهم الفلفل الاسود والماجي واقلبهم مع بعض بعدين انزل عصير الطماطم واسيبها لحد لما تتسبك بعدين انزل المكرونة وبس كدة
  3. قدمي الاكل سخن مولع وبالف الف هنا 🙂
عجبتك الوصفة؟
شوف كل وصفاتنا في مكان واحد
كل الوصفات →