→ كل الوصفات

صابلي برستيج

صابلي برستيج بالشوكولاتة و حشو بالكوكاو و كارمال بنين هذا ماكان 😋🤫

  • عجينة الصابلي
  • 500 غ مرغرين
  • 200 غ سكر ناعم
  • 200 غ نشاء
  • 4 صفار بيض
  • بيضتين كاملتين
  • 1/2 كيس خميرة كيميائية
  • م ك فاني
  • كيلو فرينة
  • شوكولاته بيضاء كيلو و 2 حبات برك شو كولا سوداء
  • الحشو
  • كيلو كاكاو
  • قالت علب بسكويت بوتي بور
  • 100 غ فايتين 100 غ قطايف محمصة
  • شوكولاته لالطلي طوفيا كارمال
  • التزيين كاكاو محمص و مرحي و فايتين
  1. أولا نبدأ في عجينة الصابلي العادية نحط الزبدة و السكر نخلط باليد فقط نضيف البيض و نخلط و نزيد مايزينة (نشاء)و فانيلا و نجمع بالفرينة منساوش الخميرة و رشة الملح
  2. نخليها ترتاح ساعة في الثلاجة من بعد نحط كيس بلاستيكي و نحط العجين و نزيد فوقها كيس آخر احسن لتشكيل العجين نطرحها 3ملم و نطبع بطابع مربع نشكلهم كامل و نحطها نطيب في الفرن 160 درجة من تحت فقط
  3. تاني خطوة نذوب الشوكولاتة البيضاء على حمام مائي و نضيف قطعتين فقط من شوكولاته نوار باش نتحصل على اللون حليبي ولا باج نبعت قالب السيلكون المرة الاولى ندخل الثلاجة من بعد نزيد ندهن مرة ثانية و نزيد ندخلهم الثلاجة مرة ثانية
  4. ثالثا الحشو مرحي الكاكاو المحمص أكيد متوسط و نزيد مرحي البسكويت و نجمع المكونات كامل كاو كاو و البسكويت و فايتين و قطايف بشوكولا الطلب و نزيد معاها طوفيا او نيستل كارمال حتى نتحصل على خليط شوية طري
  5. في الاخير المونتاج نعمر قالب الشوكولاتة بالكارمال نزيد الحشو و نحط القليل من شوكولاته البيضاء باش تلسق مع الصابلي ندهن الجوانب بالكارمال و نرش الكاوكاو و الفايتين و كلمسة الخبرة انا حطيت بالفستق و ألورد و ورق الذهب
عجبتك الوصفة؟
شوف كل وصفاتنا في مكان واحد
كل الوصفات →