→ كل الوصفات
غذاء شعبي شرقي على طريقة الجدات الطيبين
المقادير
- بصل
- لحم غنم
- طماطم
- صلصة
- 1/4 او نصف طماطم مقطعة اللي تجي قوطي
- ملح
- بهارات مشكل بحريني او اي بهارات مشكلة جودتها عالية
- باذنجان
- كوسا
- بامية
- قرع
- فلفل
- فاصوليا خضراء
- زهرة او بروكلي حسب الرغبة
- كزبرة
- بطاطس
- جزر
طريقة التحضير
- احط البصل واحمسه لين يصير ذهبي
- احط اللحم معاه اشوحه مع البصل اذا تحمر اللحم احط الطماطم لين يذبل عدل ثم احط صلصة واحد كامل او اثنين حسب كمية الخضروات تقيسي وبعدين طماط قواطي شوي مو واجد واذا مو متوفر عندك عادي تقدري تستغني عنه
- المهم بعد ماينحمسوا سوا تحسي تجانسوا نضيف ماي حار وبعدين البهارات ملح وشوي بهارات مشكل وانزل الخضروات المقطعة اللي ذكرتها فوق قطعوها مكعبات وسط مو كبار ولا صغار مره
- بدون البامية والباذنجان لان يذوبو اذا حطيتوهم بالبدايه ووقت ما ننتظر الخضروات واللحم يجهز نقلي الباذنجان والزهرة ونخليهم على جنب ونضيف بالصالونة الكزبرة المقطعة لاتنسوها
- اذا نضجت الخضروات واللحم نضيف البامية و الزهرة مدة خمس دقايق كذا مانكثر وقت وبعدها الباذنجان اخر شي عشان مايذوب ونخليه مدة ثلاث دقايق تقريباً ونطفي النار
- نسوي رز ابيض مشخول جنبه وتقدرو تقدموه مع خبز خباز
- كذا الصالونة والرز الابيض جاهزين يفضل اكله مع ليمون بلدي 👌🏼 الطعم خطير وعليكم بالعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد