→ كل الوصفات
طريقة عمل صامصة على طريقة أم وليد سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- للعجينة
- 5 كيلات فرينة
- حبة بيض
- كيلة من المارغرين الذايبة
- قرصة ملح
- ماء زهر
- ثلاثة كيلات من المكسرات حسب الرغبه
- كيلة سكر
- رشة من القرفة
- ماء زهر
- زيت للقلي
- عسل
- جلجلان محمص
طريقة التحضير
- نحط الفرينة تاعي في إناء ونضيفلها قرصه ملح كيلا مارغارين تكون ذايبه وماهيش سخونه ونخلطها مليح ونحاول ندخل هذيك المرغارين فالفرينة نتاعي نكسر حبة بيض في صحن ونضيفلها زوج مغارف ماء زهر ونخلها مليح ونضيفها على الفرينة نتاعي ونلم العجينة نتاعي بماء الزهر وكي تتلملي مليح مليح نقسمها على ثنين ونغطيها بالورق الشفاف ونخليها ترتاح من ساعة للفوق وبعد ماترتاح
- ونروحو للحشو ندير ثلاثة كيلات من المكسرات كنت رحيتهم أنا ستعملت لوز وكاوكاو ونتوما كيما تحبو ونديرلهم كيلة نتاع سكر ورشة من القرفة ونلمهم بالماء الزهر حتى يتلملي الحشو نتاعي تكون حاكمة روحها ونقدر نتحكم فيها
- نرجع العجينة ندير شوية فرينة تحتها ونبدا نحلها بالحلال أنا مكانش متوفر عندي الماشينة نتاعها ستعملت الحلال وحاولت نرققها مليح مليح باش تجيني تقرمش وبنينة ومن بعد نقطعها بشكل مستطيل متساوي ونقطعها من جهة على شكل مثلث ونحط في نصها الحشو ومن بعد نطبقها ثلاث مرات ونقطها وندهنها بالماغرين في آخر طبقة باش ماتتفتحليش وهكذا حتى نكمل كامل الحبات نتاع الصامصة نتاعي
- ونبدا بالقلي نحط كمية مليحة من الزيت في مقلاة ونخليها تسخن مليح ونحط الحبات نتاع الصامصة نتاعي فوق الزيت ونبدا نرمي عليها الزيت بالملعقة من الفوق باش تتنفخلي حتى تتحمر من الجيهتين ونحيها ونخليهم يبردو مليح مليح ونجيب العسل نتاعي حتى هو لازم يكون بارد نحط الحبات نتاع الصامصة نتاعي فالعسل ونقلبها من الجيهتين باش تتعسل مليح ونخرجها ونقدمها أنا ضفتلها الجلجلان المحمص من الفوق وشهية طيبة يارب
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد