→ كل الوصفات

صدور الدجاج الطرية بالبطاطس والمواتزريلا😋🤗

#اطباق_سريعة

  • بصلة كبيرة مبشورة 🧅
  • معلقة صغيرة ثوم مفروم 🧄
  • معلقتين زيت نباتي
  • 3 حبات فلفل اخضر رومي أو حامي حسب الرغبة متقطعين
  • 1/2 كيلو صدور دجاج متقطعة شرايح طولية
  • 3 حبات بطاطس متوسطين مسلوقين بنسبة 50 % كده مقطعين مكعبات 🥔
  • معلقتين كبار صلصة طماطم 🍅
  • 1/2 كوب جبنة مواتزريلا مبشورة
  • البهارات
  • 1/2 معلقة صغيرة ملح 🧂
  • 1/2 معلقة صغيرة فلفل أسود
  • رشة بودرة بصل
  • رشة بودرة ثوم
  • رشة بابريكا
  • رشة كاري
  • رشة زعتر
  • بقدونس للتزيين 🍀
  1. في طاسة على النار سخنت الزيت وبعدين ضفت البصل والثوم وقلبتهم على نار هادية لحد ما اتشوحوا شوية
  2. بعدين ضفت الفلفل وقلبت لحد ما كل حاجة دبلت واخذت لون نزلت الفراخ وكل البهارات وعليت النار على درجة حرارة متوسطة وفضلت اقلب لحد ما استوت هي بتستوي على طول مش بتأخذ وقت
  3. بعد كده ضفت الصلصة وقلبتها وآخر حاجة البطاطس بس ما قلبتهاش اوي لأنها بتكون بالفعل مسلوقة ومستوية عشان ما تتهريش مني
  4. بعدين ضفت المواتزريلا ودخلتها الفرن يادوب 5 دقائق بس الجبنة تسيح وتربط المكونات ببعض
  5. بس كده وزينتها ببقدونس وقدمتها مع معكرونة اسباجتي بالهنا❤️❤️💚
عجبتك الوصفة؟
شوف كل وصفاتنا في مكان واحد
كل الوصفات →