→ كل الوصفات
طريقة عمل صدور الفراخ المشويه بالتتبيلة الخاصة 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو صدور فراخ مقطعة شرائح (بانيه)
- 2 فلفل الوان
- ½ ملعقه صغيره ملح
- ½ ملعقه صغيره فلفل
- رشة زعتر جاف
- رشة روز ماري
- ½ ملعقه صغيره كاري
- رشة كركم صغيره علشان اللون ميبقاش غامق اوي
- ½ ملعقه صغيره توم وبصل بودر
- 3 ملاعق زيت زيتون او زيت عادي
- ملعقتين ماء
طريقة التحضير
- هنخلط البهارات مع الزيت و الماء
- هنقطع الفلفل الالوان شرايح طولية
- هنتبل الفراخ بالبهارات و نضيف الفلفل و نقلب كويس جدا و نسيب الخليط في التلاجة ساعة
- في صينية فرن مدهونة بالزيت هنفرش الفلفل الاول و بعدين نرص الفراخ فوقه علشان متتحرقش
- علي درجة حرارة ١٨٠ هنحط الصينية لمدة ٢٠ دقيقة علي كل وجه او حتي تمام النضج و بعدين تحت الشواية علشان نحمر الوش
- تقدم مع صوص الجبنة او المايونيز او الكاتشب (او ال٣ مع بعض) 😋😋😋
- بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد