→ كل الوصفات

صدور دجاج بالجبنه الشيدر

لو عندك صدور دجاج مستويه فى الثلاجه من امبارح ومحدش عاوز يقرب منها بتحصل معانا خصوصاً صدر الدجاج لما يكون كبيره الوصفه دى جميله جداً والجبنه غيرت طعمه الدجاج وتبقا وجبه حلوه جمب طبق سلطه وشويه رز او مكرونه

  • 2 صدر دجاج مستوى
  • 1/2 كيلو جبنه شيدر
  • بصله كبيره مقطعه
  • 3 حبه فلفل اخضر بارد مقطع
  • 4 معلقه زيت زيتون كبيره
  • 1/2 معلقه كبيره كزبره
  • 1/2 معلقه صغيره كمون
  • 1/2 معلقه صغيره فلفل
  • 1/4 معلقه صغيره ملح
  1. بسم الله نحضر صدور الدجاج ونخليها من العظم والجلد ونضعها فى طبق على جنب
  2. نحضر مقلاه تيفال ونرفعها على النار ونضيف زيت الزيتون وعليه البصل نفضل نقلب فيها لحد مايبقا لونه دهبى خفيف وبعدين نضيف صدور الدجاج ونقلبهم لمده خمس دقايق وبعدين نضيف الفلفل الاخضر اول مايدبل الفلفل نهدى النار ونضيف الملح وباقى التوابل ونقلب وفى الاخر الجبنه الشيدر ونقلبها لمده خمس دقايق كمان او لحد ماتسيح الجبنه
  3. ونغرف صدور الدجاج فى طبق التقديم لزم تكون سخنه وقت التقديم ده بيفرق فى شكل الدجاج مع الجبنه
  4. وهنا وعافيه عليكم يارب
عجبتك الوصفة؟
شوف كل وصفاتنا في مكان واحد
كل الوصفات →